房產資訊-歐洲投資指南-歐洲

現英國買樓收租已不流行 投資放租度假屋正熱門

早前英國投資者主要都買樓收租(Buy to Let),但因兩年前嘅稅務改革,令買樓收租扣稅優惠減少,同埋租務潮流嘅轉變,令越多投資者改為度假屋放租市場(Holiday Let),有統計顯示Holiday Let嘅業主數量按年增加25%。都有專家指出,Holiday Let嘅利潤會比Buy to Let仲高。

呢幾年英國流行self-catering holidays,即係去度假屋或郊外旅遊,同埋會自己煮嘢食。根據英格蘭旅遊局(Visit England)嘅數據顯示,自2015至2017年,喺英格蘭享受self-catering holidays嘅人數,由622萬增至723萬。而英鎊貶值,更加令英國人留喺本地旅行,令豪華農舍,屋苑單位同奇怪小屋更受歡迎。渡假屋代理公司Cottages.com指出,喺網站放租嘅業主數量按年升幅達25%。

根據了解,放租住宅嘅業主大多係首次投資者,估計三分一係退休人士。根據財務機構Leeds Building Society嘅數字顯示,同兩年前相比,今年上半年嘅Holiday Let按偈申請增加19%,超過四分一嘅借款人年齡超過55歲。投資熱點係約克郡、英格蘭西北部湖區同西南部。

喺2017年,政府針對買樓收租實施多項稅務改革,例如逐步取消買樓收租業主貸按偈利息作免稅之用等,愈來愈多業主不再投資買樓放租。由於Holiday Let畀歸類為生意(business)而唔係投資(investment),Holiday Let嘅業主仍享有買樓收租業主畀取消嘅稅務優惠,令更多人轉向投資渡假屋收租,不過渡假屋必須畀稅務同海關總署(HMRC)認證為配有傢俬嘅渡假屋(Furnished Holiday Let),先可以享有稅務減免。

渡假屋代理Mulberry Cottages負責人Rebekah England表示,大多按週收費嘅度假屋所賺取嘅利潤,比每月固定收租嘅住宅更高。喺夏季,度假屋業主喺每星期收入更可高達1,000鎊(約9,400港元)。網上顧客評論亦將決定業主可以賺取幾多利潤。渡假屋喺首年放租,唔會有好多評論,建議業主定價可以更可取。如果日後好評如潮,業主就有理由加價,例如每年加5至10%。


相關文章:
2019土耳其移居人數破50萬,超越德國!
4大理由告訴你,今年將是投資菲律賓房產的最佳時機!


提供最專業海外投資資訊的平台:全球房產新聞網
即刻追蹤新消息:投資全球房產新聞網臉書粉絲團


文章取自:星島虎報海外地產

Tags
Show More

Related Articles

發佈留言

發佈留言必須填寫的電子郵件地址不會公開。 必填欄位標示為 *

Close
Close