居住生活時事話題

氣候變化有幾大影響?有五類食物可能會消失!

隨住氣候變化,有啲食物同飲嘢將會消失。英國廣播公司(BBC)發表文章指,由於氣溫同天氣嘅變化,農作物可能難以生長,魚類同動物大幅死亡,以下食物未來將可能喺餐檯上消失。

咖啡和茶/取自GETTY IMAGES
咖啡和茶/取自GETTY IMAGES

1. 咖啡同茶

由於全球變暖,到2050年,適合種植咖啡嘅土地面積可能會減少一半;到2080年,咖啡嘅野生品種預計將全部滅絕。坦桑尼亞係咖啡嘅主要出口國之一,喺過去50年,坦桑尼亞嘅咖啡產量已減少咗一半。

巧克力/取自GETTY IMAGES
巧克力/取自GETTY IMAGES

2. 朱古力

可可豆嘅種植需要高溫同充足水份,但更重要嘅係穩定嘅生長環境。可可樹同咖啡樹一樣對生長環境有好高要求,任何溫度、降雨、土壤質量、陽光或風速嘅變化都會對收成產生巨大影響。

氣候嘅變化已經迫到印尼同非洲嘅種植者,自種植可可轉向其他作物,譬如棕櫚樹同橡膠樹。40年後,貢獻全球可可出口產量三分之二嘅生產國加納和科特迪瓦,都將面臨平均氣溫上升2度嘅可能。最直接後果係:市場上唔會再有平嘅朱古力。

魚/取自GETTY IMAGES
魚/取自GETTY IMAGES

3. 魚

海洋暖化,魚獲愈來愈少或者魚愈來愈細,早已係事實,部分原因係海洋變暖導致氧氣含量下降。海水吸收二氧化碳,然後酸化,貝類將難以生長。全球捕魚量宜家已下降5%,北海漁民嘅收成已下降三分之一。

馬鈴薯©/Flickr 16:9Clue
馬鈴薯©/Flickr 16:9Clue

4. 薯仔

薯仔喺地表以下生長,所以成為土地愈趨頻繁乾旱嘅受害者。英國有媒體報導,2018年夏天嘅高溫炎熱,導致薯仔減產四分之一。

白蘭地、威士忌和啤酒/取自GETTY IMAGES
白蘭地、威士忌和啤酒/取自GETTY IMAGES

5. 白蘭地、威士忌同啤酒

喺法國西南部,擁有600年歷史嘅白蘭地行業處於危機:不斷上升嘅氣溫導致葡萄變得太甜。生產商不斷搵緊合適嘅替代品,每年使數十萬歐元進行研究,但到宜家仍無成效。

喺蘇格蘭,威士忌製造商都有麻煩。全球變暖導致乾旱,淡水供應減少。舊年夏天,已有唔少威士忌酒廠被迫關閉。氣象學家警告,極端天氣變得愈來愈頻繁。一樣嘅問題亦困擾捷克、美國等地嘅啤酒生產商,佢哋面臨水資源短缺同乾旱導致農作物失收嘅雙重打擊。


相關文章:
推薦 Ι 泰國5座又大又漂亮的國家公園,報你知!
澳洲雪梨冬季乾燥連三年 恐早迎火情危險期


提供最專業海外投資資訊的平台:全球房產新聞網
即刻追蹤新消息:全球房產新聞網臉書粉絲團


文章取自:BBC News 中文

Tags
Show More

Related Articles

發佈留言

發佈留言必須填寫的電子郵件地址不會公開。 必填欄位標示為 *

Close
Close